Plantun de Prouvènço

Pèr coumpara dos planto d'encò nostre

Carex curvula subsp. rosae & Plagiomnium affine

Queirello(-enarcado)

Carex curvula subsp. rosae

Cyperaceae

Àutri noum : Queirello(-dóu-mount-Rose), Moutouso, Sagneto.

Nom en français : Laîche du mont Rose.

Descripcioun :
La queirello-enarcado trachis en mato dins li pelouso di cresten venta d'auto mountagno. Se recounèis subretout à si fueio primo (1 mm), plegado, enarcado e dessecado au bout. L'enflourejado èi courteto, de 1 à 2,5 cm, caupant 3 à 6 espigo sarrado dis escaume bruno, pounchudo e membranouso sus li bord (fotò). La subsp. presentado eici, Rosae vèn sus cauquié ; se recounèis peréu à si fueio mens sarrado e mens enarcado que sa cousino, Carex curvula subsp. curvula que se vèi sus siliço.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 40 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 1 à 2,5 cm
Flourido : Estiéu

Sòu : Ca
Autour basso e auto : 2000 à 2800 m
Aparado : Noun
JUliet à avoust

Liò : Pelouso - Cresten
Estànci : Subaupen à Aupen
Couroulougi : Ouroufito-Sud-Ouèst-Éuroupenco
Ref. sc. : Carex curvula subsp. rosae (L.) Gilomen, 1937

Mousso-plegado-aparentado

Plagiomnium affine

Plagiomniaceae Mniaceae

Nom en français : Mnie apparentée.

Descripcioun :
Aquelo mousso dóu gènre Plagiomnium, fai de bèlli tepiero de tijo plegado dins li relarg umide e un pau sourne. Li fueio claro an uno costo que s'acabo pèr un pichot benc. Li fueio soun tambèn dentado e classicamen li dènt caupon mai que d'uno celulo, mai èi pas toujour lou cas.

Usanço :
La mousso-plegado-aparentado se destrìo de sa cousino Plagiomnium elatum di relarg pu bagna, bonodi sa fueio decurènto qu'embrasso pas larjamen la tijo (au contro de P. elatum decurènto mai larjamen).

Port : Acroucarpo
Taio : 1 à 6 cm
Fueio : 3 à 7 mm
Tipe bioulougico :
Cicle bioulougico : Planto renadivo

Gènre : Plagiomnium
Famiho : Plagiomniaceae
Famiho classico : Mniaceae

Ordre : Bryales

Coulour de la flour :
Petalo : 2,5 à 4 cm
Ø (o loungour) flour : Double
Flourido : Printèms - Estiéu

Sòu : Ca (Si)
Autour basso e auto : 50 à 2000 m
Aparado : Noun
Abriéu à jun

Liò : Sòu umide de fourèst - Roco à l'oumbre - Roco bagnado - Bos pourri
Estànci : Mesoumediterran à Subaupen
Couroulougi : Oulartico
Ref. sc. : Plagiomnium affine (Blandow ex Funck) T.J.Kop., 1968 (= Mnium affine Blandow ex Funck )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Carex curvula subsp. rosae & Plagiomnium affine

ges

Coumpara Queirello(-enarcado) emé uno autro planto

Coumpara Mousso-plegado-aparentado emé uno autro planto